1 Sannleikin skal fría tykkum
Tit skulu læra at kenna sannleikan, og sannleikin skal fría tykkum. (Jóh 8,32)

2 Ikki meira trælir hjá syndini
Við tað at vit vita hetta, at okkara gamla menniskja er krossfest við honum, fyri at
syndalikamið skuldi verða til einkis, so at vit ikki longur skulu tæna syndini; tí at tann, sum
deyður er, er rættvísgjørdur frá syndini. (Róm 6,6-8)

3 Gud loysir hin neyðstadda
“Tí at hann meg elskar, eg honum hjálpi, eg honum bjargi, tí hann kennir navn mítt; kallar
hann á meg, eg honum svari, í neyðum eg hjá honum eri. Eg hann frelsi og veiti honum æru.
Við æviskeiði longum eg hann vil metta og lata hann skoða frelsu mína!” (Sálmur 91,14-16)

4 Tænið hvør øðrum í kærleika
Tí at tit, brøður, vórðu kallaðir til frælsis; nýtið bert ikki frælsið sum høvi fyri holdið; men
tænið hvør øðrum í kærleika. Tí at lógin er uppfylt við einum orði, við hesum: “Tú skal elska
næsta tín sum sjálvan teg.” (Gal 5,13-14)

5 Vit eru Guds børn
Tí at ikki fingu tit trældómsanda aftur til ræðslu, men tit fingu sonarættaranda, sum vit rópa
í: Abba, faðir!. Sjálvur andin vitnar saman við anda okkara, at vit eru Guds børn. (Róm 8,15-
16)

6 Góð tíðindi um frælsi verða borin fátækum og fangum
“Andi Harrans er yvir mær, av tí at hann hevur salvað meg, til at bera fátækum gleðiboð.
Sent hevur hann meg út til at boða fangum frælsi og blindum sjón, til at sleppa neyðstøddum
leysum, til at kunngera eitt Harrans náðiár.” (Luk 4,18-19)

7 Fríur, tó trælur hjá øllum
Tí at tó at eg eri fríur av øllum, havi eg gjørt meg sjálvan til træl hjá øllum, fyri at eg kann
vinna tess fleiri. (1 Kor 9,19)

8 Loystur frá syndini, nú tænari Guds
Men, tá ið tit eri loyst frá syndini og eru vorðin tænarar Guds, hava tit ávøkst tykkara til
halganar, og endin er ævigt lív. Tí at løn syndarinnar er deyði, men náðigáva Guds er ævigt lív
í Kristi Jesusi, harra okkara. (Róm 6,22-23)

9 Satt frælsi
Um tí sonurin fríar tykkum, tá skulu tit verða av sonnum frælsir. (Jóh 8,36)

10 Nýt ikki frælsið sum lótir fyri illskapin
Sum frælsir, men ikki sum teir, ið hava frælsið sum lótir fyri illskapin, men sum tænarar Guds.
(1 Pæt 2,16)

H.D.Joensen, umsetti. Gods TV

Lagt út hevur Ásbjørn Jacobsen