Á ferðini skipar toymið fyri sangløtu og andakt umborð á Norrønu.

Komin til Íslands fara tey at vitja Eldrasambýlir, hava møtir í fleiri kirkjum har um vegir, bønarmøtir, vitja fólk v.m.

Umframt at vitja á Seydisfirði, vitja tey eisini Egilstaðir, Eskifjørður, Fáskrúðsfjørður, Vopnafjørður og Neskaupstaðir.

Alt hetta verður gjørt í góðum samstarvi við kirkjuna og prestarnar á staðnum.

Føroyingurin, Helgi Joensen, sum býr Íslandi, verður við á ferðini og tulkar tá ið tað er neyðugt.

PODAS hevur í fleiri á skipa fyri toymisferðum til Íslands og hava vit verið sera væl móttikin.

Vit heita á allar PODAS-vinir, at biðja fyri toyminum, sum fer avstað í dag. At Harrin má signa ferðina frá byrjan til enda.

Myndirnar eru tiknar umborð á Norrønu stutt fyri fráferð.

Lagt út hevur Ásbjørn Jacobsen